vendredi 18 novembre 2011

IMIGANI NYARWANDA
1. Agashyitsi gakuze niko kavumbika umuriro
2. Agakono gakuze niko karyoshya imboga
3. Agahinda k’inkoko kamenywa n’inkike yatoyemo
4. Agahinda gashira akandi ari umuterero
5. Agatinze kazaza ni amenyo ya ruguru
6. Agatoki gahoze mu kibuno karanuka
7. Aho amahoro ari uruhu rw’imbaragasa rwisasira batanu
8. Aho ibyago biri ibihaha bica umuhoro
9. Aho inzovu zirwaniye ibyatsi nibyo bihababarira
10. Aho uniga urahasanga umuhogo
11. Aho intumbi ziri niho inkongoro ziteranira
12. Aho uniga urahasanga umuhogo
13. Akabaye icwende ntikoga, niyo koze ntikanoga, n’iyo kanoze ntigashyira
umunuko
14. Akabando k’ubusaza gacibwa kare kakabikwa kure
15. Akamasa kazaca inka kazivukamo
16. Akanyamanza nako kati nabwo mbukesha rusengo
17. Akarenze umunwa karushya ihamagara
18. Akari ku mutima ka Mutimbuzi, umutindi yanga uwanyina
19. Ak’imuhana kaza imvura ihise
20. Amarira y’umugabo atemba ajya mu nda
21. Amashyi make yimisha umwana impengeri
22. Amatwi yuje amata ntiyumva
23. Amavuta masabano ntamara umwera
24. Amavuta y’umugabo ni amuraye ku mubiri
25. Amazi arashyuha ntiyibagirwa iwabo wa mbeho
26.Barihima ba Mujinya yiciye ibinyita ngo arahima umugore
27. Bati : tera impundu kanyugunyugu, nako kati mubanze murebe impanga
ziravamo
28. Bavuga ibigoramye umuhoro ukarakara
29. Findi findi irutwa na so araroga".
30. Gucurangira abahetsi
31. Guha imbwa amaboko zikayanga
32. Gukanura kw’urukwavu ntikubuza ishyamba gushya
33. Gukomera inyuma nk’amase
34. Gusetsa uvuye ( guhamba) guta nyina
35. Hapfaga inyange nkanswe ibyiyoni
36. Ibirenge bijya imbu kujya imbere
37. Ibize nabi uyima ifu38.Ibyanyuma bica amazuru
39.Ibyaye ikiboze irakirigata
40.Ifuni ibagara ubucuti ni akarenge
41.Igihugu kitica imbwa cyorora imisega
42.Igikeri nacyo kiti « nibwo nkihagera »
43.Igiti cyakubiswe n’inkuba ntigitinya ko hejuru hijima
44.Igiti cyateretswe n’Imana ntigihuhwa n’umuyaga
45.Ihunga umurizo wayo ikagwa ruhabwe
46.Ihwa riri ku wundi rirahandurika
47.Ikibya cy’undi kirakandika
48.Ikomeza rya cyane rica imigozi
49.Ijisho ry’undi ntirikurebera umugeni
50.Ijisho rya mukuru ntirizinduka riba ryagiye kureba
51.Imbeba irya umuhini yototera isuka
52.Imbeba yahanutse ku rubariro ikubita amabya ku ishyiga iti « nanga
iyandarika rya hano »
53.Imbitsi ya cyane ibikira mukeba
54. Imburamukoro ihinga ku ikoro
55. Imbwa yiganye inka kunnya mu rugo irapfa
56. Imfizi icugita isi ni bihogo bya birahinduka
57. Imfubyi ibaga yonsa
58. Imvura idasubiye bayita cyumya
59. Incyuro mbi yashubije Nkundiye ku Idjwi
60. Inkotsa ivuga nk’izindi bati « ngiyo kanwa kabi »
61. Inda irimo urwango uyiha amata ikaruka amaraso
62.Ikinyogote cyagiye gukura ibijumba gisanga nyiri umurima yabikuye, maze
kirijujuta kiti « dore ibyo mfa n’umurima wa rusange »
63. Kwigana ingendo y’undi bitera kujagajaga
64. Ingwize yishe mutamu
65. Inkoni ikubise mukeba uyirenza urugo
66. Inkotsa ivuga nk’izindi ngo « ngiyo kanwa kabi »
67. Inkunguzi y’inkware ishoka agaca kayireba
68. Inkunguzi y’igikoba yikururira amakara
69. Intamenya y’imfizi irigata ubugi bw’intorezo
70. Intege nke zitera ubugwaneza
71. Intoki ebyiri ni ukunabana
72. Inuma bayirashe amatama yombi iti « amagambo ashize ivuga »
73. Inyamanza yanyereye mu masaka iti zihiye kare Bagesera
74. Inyamaswa idakenga yishwe n’umututizi
75. Inyongera mbi ni imisuha
76. Inzira ntibwira umugenzi
77. Iwanyu ni mwanyoko, mwa nyina w’undi ni mwa nyiranyenga
78. Iyagukanze ntibamo inturo
79. Iyaneye kazutu ntireka myambi
80. Iyo butarira imbeba ntituka imbwa
81. Iyo inzu y’umuturanyi ihiye uzinga akarago
82. Iyo ngira ntya yari ijambo, ni uko yaje nyuma
83. Izotanye kera zisigana ivu
84. Izateranye imigeri ntizihishanya amabya
85. Kamenyero yenze nyina
86. Kami ka muntu ni umutima we
87. Kubaza amenyo y’inkoko kandi ureba umunwa wayo
88. Kubita imfubyi ntuyibwirize kurira
89. Kuzinduka kwa Rusake ntibiyibuza kunnya ku muteênde
90. Kwahirira imbwa urubingo
91. Kwasama kubi ni ukurira
92. Kwitsamura amenyo akagwa
93.Nshimwe nshimwe y’umugore ibyimbya igituba
94. Ntabanganya Imana na nyangufi yaragiye
95. Ndabure injogo inyenge y’undi yijyanire ?
96. Ntabaronkera rimwe nk’abava guca imisigati
97. Ntagahora gahanze
98. Ntakwayurira utaraguha
99. Ntawihuta nk’uwayobye
100.Ntawanga kuryama ngo atarota nabi.
101. Ntawugorora intege z’ikijumba
102.Ntugategere umugore ijosi
103. N’uwendeye nyina ikuzimu yaramenyekanye
104. Nyamwanga kumva ntiyanze no kubona
105. Nyamwongera kibi yasanze uruzi rwuzuye anyaramo
106. Nyirandakuzi ntimutahana ubukwe
107. Nyirarunyonga ati « harajwe » umukazana we nawe ati « harasanzwe »
108. Nyiri umupfu niwe ufata ahanuka
109. Rwubikangohe niwe rwuburangeso
110. Ubonye nyina ashaje aravuga ngo inka za se zapfuye ubusa
111. Ubugabo ? No kuri gasaho burahamera
112. Ubutarya butera kwinanata
113. Ubuze uko agira agwa neza
114. Ubwiza bw’imbwa ntibuyibuza kurya amabyi
115. Ucyira injiji amarenga amara ibinonko
116. Ugusuriye ntumusurire akwita ikiburannyo
117. Uhitwa ntafata uruka
118. Ukwanze atiretse agira ngo turwane
119. Umugabo mbwa aseka imbohe
120. Umugabo mbwa anyagiranwa n’abandi nyuma ati « njye nabonze »
121. Umugabo yirirwa atariye ariko ntiyirwa atabonye
122.Umuheto washutse umwambi ngo jyamo turajyana
123.Umukecuru yanyaye mu ruzi ati n’ubwo ari duke bwose ndongereye
124.Umukecuru yanyariye imbaragasa mu mukungugu, iti « uritonde di
n’imvura y’umuhindo yansize amahoro »
125. Umupfu w’undi niwe unuka
126.Umuntu ntatinya ishyamba , atinya icyo yaribonyemo"
127. Umurengwe wica nk’inzara
128.Umushumba yatwitse undi , nawe ati « humura turacyaragiranye »
129.Umutwa yashomeje amabyi amata ati ‘ibitajyanye ni ibi »
130.Umutwe munini nturengwa n’imijugujugu
131.Umuvumu ugira aho uvuka
132.Umutima w’imfubyi watanze umutwe w’umusaza kumera imvi
133.Umwana wundi abishya inkonda
134.Umwijuto w'ikinonko ugirango imvura ntizagwa.
135.Urubonye rwubitse agira ngo ntirwaseye
136.Urwiganwa rwa mushushwe rwamaze imbeba mu rubariro
137.Usabiliza imbehe ntaca urubanza
138.Usanga umunsi ntaragura ibara
139.Usenya urwe umutiza umuhoro
140.Ushaka kwica imbwa ye ayirega ibisazi
141.Ushize impumu yibagirwa uwamwirukankagaho afashe icumu.
142.Ushora imishinga mu mishino ugasarura imishumi y’amashati
143.Utarabona uko yigira asangira n’uwishe se
144.Utaranigwa agaramye agira ngo ijuru riri hafi
145.Utazi ikimuhatse areba impare ya se igitsure
146.Utazi ko ababo bashira yishimira ko mukase yakuyemo
147.Utazi ubwenge ashima ubwe
148.Utinze azanyagwa ni umugaragu w’inda
149.Uwihamagariye sakabaka aba afite inyama zuzuye urutete
150.Uwanga guhandwa yurira inzovu
151.“Uwanga igikura abaga umutavu”
152.Uwanga amazimwe abandwa habona
153.Uwanze gusekwa yaheze mu nda ya nyina
154.Uwanze kumva yumvira ijeri
155.Uwagumiwe n’amenyo ahagamwa n’amazi
156.Uwasuze agirwa no kunutsa
157.Uwarose nabi burinda bucya
158.Uwicishije inkware amaha , ahora ayamanitse
159.Uwiba ahetse aba abwiriza uw’i mugongo
160.Uwifuza icyo azabona agira ati « icyampa ngapfa »
161.Wikanira umugisha w’undi ukannya ibuye
162.Wima igihugu amaraso imbwa zikayanywera ubusa
163.Wiringira ijosi rikakubyarira umwingo
164.Wisasira Akazana utazi Akazaza Ejo
Publié par à Aucun commentaire:

mardi 9 août 2011

Who is Chance Olivier Ndagijimana


Chance Olivier NDAGIJIMANA is a student at the National university of Rwanda.he was born in 1989 in Musanze District,the Northern province.he have studied his lessons of primary school at Bisate primary school since  1996 until 2001.After finishing his primary school,he was the fourth in National examination in this school.This great point ordered him to inter in Buyoga secondary school.it was in Byumba province nowadays the northern province. He passed there three years and at the end of the third year,he succeed the National examination with a distinction of 5.6 points in the National examination.
this point ordered him to inter in  Gatovu languages school in2006 in section of languages and literature.He passed here three years also and at the end of  2008 he Succeed the National examination with a good point of 46 points.This honorable point ordered him to inter in the National university of Rwanda in faculty of arts media and social sciences,(FAMSS)Department of modern languages ,publishing and creative industry.
While in secondary school,Chance Olivier's activity was to use photographic instruments and to walk with many studios like Iyopa studio, and amani studio,in Musanze city and others.
Now after finishing many courses concerning this domain, Chance Olivier is perfect in camera technicals,film directing,screen writing,editing,shooting,events designer ..and  any software in this domain like adobe leader,adobe premiere-pro,adobe after production,adobe reader, adobe encore, 3dimention. Not only technics, he is also a Teacher at CYUMBA SECONDARY SCHOOL where he teachs Kinyarwa, English, Drama, English language communication skills and literature.
aged of 23 years ,Chance Olivier is single never married
His father Abel BAZIRZMWABO, was died in 1997 and now he remains with his Mother Xaveline Ntibarikure.
Chance Olivier have three sisters.Jacqueline ;MUKARUDEGE K.A Maman desire,Vestine NYIRAKABONEYE  K.A Maman benitha.and the youngest Christine .He has  one big brother Theogene NDAHAYO.






IMIGANI NYARWANDA
















Bakame n'impyisi
Kera Bakame yacuditse n'impyisi, biranywana, birabana bishyira kera. Ariko Bakame ikababazwa n'uko impyisi iyirusha ubukungu.

Bukeye Bakame ibwira impyisi iti "reka ducuruze impu, ubukungu bwawe burusheho kwiyongera, ndetse ungurize ibintu byo gutangiza, nzajye nkungukira." Impyisi irabyemera.

Bitangira gucuruza impu, zimaze kugwira, bijya kuzicuruza mu mahanga, inyungu ikabikwa kwa Bakame. Bakame imaze gukungahara irirwaza. Bwa bucuruzi burahagarara ariko impyisi ntiyabyitaho.

 Hashize iminsi, Bakame irazinduka no kwa Mpyisi iti :"yemwe abo kwa Mpyisi mwaramutseho !" Impyisi iti :"bwakeye Baka!" Bakame irihangana irarikocora iti:"nta miramukire yanjye, baraye baducucuye, badusahuye ntibadusigira na busa." Ubwo impyisi igwa mu kantu, mbese isa n'ikubiswe n'inkuba. Bakame ibonye ko impyisi ibuze aha irigitira irayishukashuka, iyibwira ko izabiyishyura.

 Bakame iragenda ifukura icyuzi, yororeramo amafi, amaze gukura ikajya ijya kuroba ayo yirira. Hashize ukwezi impyisi ijya kwishyuza Bakame ibintu byayo. Bakame iyakira neza, yikoza munsi y'urugo iroba amafi cumi iraza irayateka iyavanamo umufa uryoshye cyane, maze yegereza impyisi. Mu mwanya muto impyisi iba irakomba imbehe.

 Irangije iti :"mbese shahu Bakame, ibi bintu biryoshye bitya, ubikura he?" Bakame irahaguruka ijya kuyereka icyuzi cyayo iti:" ugende ufukure nk'iki, amafi azimezamo."

 Warupyisi igeze imuhira sinakubwira ukuntu yarimbaguye umusozi mu mwanya muto. Imaze kuyoboramo amazi, itegereza ko amafi yazamo, iraheba. Ni bwo igiye kwa Bakame iyirakariye cyane. Igeze yo, Bakame iyisomya ku nkangaza y' akataraboneka. Kwibuka icyari kiyizinduye biragatabwa! Imaze kuryoherwa cyane, iti:" mama we ! Ibi se byo wabikuye he?" Bakame iti :"ukagira rwa rutoki rwose, ukabura inzoga y'ubuki? Hoshi genda utemagure za nsina zose, amakakama azivuyemo uyashyire mu kabindi, amaremo ibyumweru bitatu, maze uzasomeho wiyumvire."

Impyisi iragenda ibigenza uko Bakame yayibwiye. Ibyumweru bitatu bishize, igotomeraho, maze urulimi rurababuka, inkanka ziratenguka. Umujinya urayica, ifata umufuka no kwa Bakame ntiyasuhuza, ihita igafata igashyira muri wa mufuka, ngo ijye kukaroha mu manga. Igeze mu nzira yibuka ko yibagiriwe urujigo rwayo kwa Bakame, iratura, isubira inyuma yiruka.

 Ingeragere iza kunyura hafi y'uwo mufuka, Bakame iti:"Uraho Ngeragere! Iti :"uracyabaho Baka! Ese urakora iki muri uwo mufuka shahu Baka?" Bakame iti:"ntiwamenya ibyanjye. Ubu banshyize muli iyi ngobyi ngo bajye kunyimika, njye ntegeka utunyamaswa turi hariya hakurya, ni cyo gituma bagiye bampetse! Nyamara simbishaka, ariko ntibabyumva!" Ingeragere iti:"shyuuuu!! Ukivutsa umugisha nk'uwo! Reka nigiremo niba utabishaka."

Bakame ibanza kwangira, nyuma iti:"ngaho jyamo ariko nawe urampemba!" Ingeragere ihambura wa mufuka, ivanamo Bakame, maze iwinagamo. Bakame si ukuwukanira iradanangira. Irangije iti:"ngiye kuguteguriza."

 Muri ako kanya impyisi iba iraje, ibatura umufuka ngo girigiri...! Igeze hirya iti "ariko noneho ko biremereye cyane, iyi nkenya iriye iki? Ayubusa ariko ndakuroha, dore igihe wambeshyeye!"

 Ingeragere ngo ibyumve iti "reka Mpyisi sindi Bakarne, nshyira hasi nigendere." Iraboroga cyane ariko impyisi ntibyumve, ahubwo ikayisubiza ngo dore aho wambeshyeye, ubwenge bwawe ndabuzi, umunsi ntarengwa ni uyu! Iragenda no mu manga ngo pooo! Ingeragere iniha rimwe gusa, igera mu kabande itakirashya.

Impyisi itaha yizeye ko igiye kwirira ya mafi ya Bakarne no kwinywera ya nzoga y'ubuki. Ku mugoroba ntitarabukiyeyo, isanga ka Bakarne kidundaritse ku nkombe y' icyuzi cy' amafi yako kararoba.

 Bihehe igihinguka aho, Bakarne iba yayibonye. Bakarne iti "Warupyisi ntunyegere, ntabwo abatarapfa nka we bagomba kwegera abavuye ikuzimu nka njye!" Impyisi irumirwa igirango koko Bakarne yazutse, ishya ubwoba itekereje ko wenda ihamye aho yapfa, irirukanka irahunga izinukwa ityo kuzongera kwikorereza Bakarne no gucudika na yo.

 Sijye wahera hahera umugani.

ingwe yihekuye

Ingwe yihekuye



Ingwe yari ihatse urukwavu, impongo, igikeri n'igitagangurirwa, bukeye ishaka kujya kwa sebukwe. Igufatira abana b'impongo n'ab'igitagangurirwa, ibashyira mu ruhago irarukanira. Ihamagara abagaragu bayo ngo bajyane kwa sebukwe. Ikwika igikeri uruhago rurimo ba bana, urukwavu rutwara itabi rya shebuja, impongo itwara umuheto wayo bishyira nzira.

 Ingwe iza kubwira Bakame iti « jya kuntekerera itabi.» Bakame irayisubiza iti « mu bantu haba imbwa kandi zikanzira, ngiyeyo zanyica.» Ibwira impongo iti « igireyo ureke aka kanyabwoba.» Impongo iti « databuja, abantu bakunda uruhu rwanjye, ngiyeyo sinabakira.» Ingwe yigirayo, yitekerera itabi.

 Ngo itirimuke, Bakame ibwira bagenzi bayo iti « nta kwikorera icyo utazi, nimuze turebe ikirimo. » Zitura igikeri, zipfundura uruhago, zisanga ari abana bazo!
Hagenda impongo ibasubiza imuhira; igira ab'ingwe ibakubita muri cya gihago, banze kurwuzura ishyiramo ibisinde. Igitagangurirwa kirarukanira, bigaruka ako kanya. Nuko ingwe iba iraje, bikomeza urugendo.

Biza guhura n'indi ngwe, biraramukanya. Ya ngwe igeze kuri Bakame, Bakame irayibwira iti « ubwenge bw'umwe burayobera.» Igeze ku mpongo, impongo iti «nteye intambwe ebyiri, ntera abana imuhira!» Iramukije igitagangurirwa kiti «nkanira uruhago nkarusha uwarukaniye ejo.» Iramukije igikeri kiti «barima ibisinde bakankorera. » Nuko iyo ngwe ibihatse, irishima ngo ifite abagaragu bazi kuvuga neza.

 Bikomeza urugendo. Bigezeyo, igikeri kiratura kirihungira ngo kiriheje, hasigara Bakame. Ingwe ihamagaza uruhago rwayo, birarupfundura, birajyana birarya naho Bakame yisubirira ku muryango, haciye akanya iranduruka.

 Bimaze guhashwa, sinzi uko ya ngwe yarabutswe agahanga k'icyana cyayo irakitegereza isanga koko ari akacyo. Ikimwaro n'umujinya birayica, irazenga, ibura aha ikwirwa, igaruka igana mu muryango, ibura Bakame; irakubirana isubira imuhira itanasezeye!

 Igeze mu ndiri yayo ibura ibyana, ibura n'abagaragu, yicoka mu ishyamba ngo ihorere urubyaro rwayo, ariko iraheba.

 Ngiyo ingaruka y'ubugome!

Nyakanga 2011
7. 1. 2. 3. 4. 5. 6.
12
3456789
10111213141516
17181920212223
24252627282930
31
   
Andikira webmaster
Albumfoto
Inyunguramagambo
Indirimbo
Ha iyi site inshuti
Forum
Andi masite
Inshinga
Twita gute iwacu?
nyarwanda E-post
Igihe ugiye gutanga adresse  e-mail yawe mu byo wandika ku masite, ujye wibuka ko ushobora kumenywa n'abo utifuzaga ko bakumenya. Urugero ni nk'uwandika ko arwaye sida, maze agatanga e-mail ye.

 nyarwanda.dk yabashyiriho uburyo bwo kwohererezanya ubutumwa bwihariye: Utanga  izina winjiriraho kuri nyarwanda.dk (ryonyine), maze ushaka kukwoherereza ubutumwa akabusiga kuri konte yawe.

bagabo barabona

Bagabobarabona [ II ]

Bagabobarabona yiba inka akaregwa ibwami.

 Bukeye umugore arongera abwira umugabo we, ati : "Noneho ndashaka ibihumyo." Bagabobarabona ati :"Ibyo byo ntibizandushya; hariya mu kabande bijya bihapfa." Umugabo arakumanukira no mu kabande aragenda arabyica yuzuza igitebo arataha.

 Mu nzira ahura n’abagabo bari bakurikiye inka yabo yibwe. Abagabo baramufata; babwira Bagabobarabona bati: "Wa mugabo we aho si wowe watwibiye inka?" Bagabobarabona ati:"Si jye, niviriye kwica ibihumyo, ahubwo nture maze murebe." Barareba basanga ari inyama yikoreye, we azi ko ari ibihumyo yari yikoreye.

 Bagabobarabona akubise inyama amaso arumirwa! Ati:"Ahubwo nimuze njye kubereka aho nishe ibihumyo.” Baragenda; bahageze bahasanga amaraso n’amayezi n’amahembe y’ inka yabo. Bajya kumurega ibwami.

 Umwami atumira Bagabobarabona. Ageze ibwami ariyereke, yiyereka asanga umwami, amugeze iruhande, ajya ejuru amukubita urushyi, arongera arataraka, araza arapfukama, nawe ngo akomye yombi, akora mu jisho ry’umwami. Umwami ati:" Nimumufate mumwice." Bagabobarabona afashamo ariruka. Bamwirukaho arabasiga.

 (Bamwe ngo:
Uko yagahunze, Bagabobarabona aza guca ku rugo, arahamagara ati:"Yemwe bene urugo, nimumfungurire ndapfuye, mbatekerereze n’ ibyago nagize!" Urwo rugo rwari urwa nyina w' umwami Bagabobarabona yari yakoze mu jisho. Bamuha inkongoro ebyiri z’amata, aragotomera; arangije ababwira ibye. Atararangiza ngo : "Nkoza urutoki mu jisho ry' umwami", nyina w' umwami abwira abagaragu be ngo nibamwice. Bagabobarabona ariruka, abandi bamwirukaho. Bagitirimuka, bumva ngo urugo rwa nyina w' umwami rurahiye, basubira inyuma biruka, bajya kuruzimya; undi abacika atyo arataha.

 (Abandi ngo:
Mu nzira, aza guhura n'abari bagiye guhamba umukobwa w' inkumi, arabakurikira barajyana. Bageze aho bajya guhamba, bafata Bagabobarabona mukingirana mu buvumo hamwe n' umukobwa wapfuye. Nuko bumaze kwira, haza umurozi n' ibintu akubitisha uwapfuye, agira ngo azure umukobwa kandi amutunge. Umurozi amaze kumuzura, Bagabobarabona ayora umurozi aramwica, arangije ajyana umukobwa, amushyira se, se abonye umwana we, arishima cyane, amushyingira Bagabobarabona wamukijije umurozi.


PETERO NZUKIRA

IGICE CYA MBERE
5_peteronzukira11
Umunsi umwe, Petero Nzukira yari yiriwe atemera ibishyimbo mu ishyamba. Yari yakoze ataruhuka, kuva mu gitondo cy'urwanaga kugera mu mataha y'inka. Akabwibwi kagiye gukwira ageze imuhira, asanga ibiryo bitarahwana, atangira kuvumagura umugore, ngo ni umunebwe.
Umugore aramuhindukirana ati « mbese Petero mugenzi wanjye, ko utahanye inabi? Ahubwo, umva ko abagore turi abanebwe, urareke ejo tuzagurane imirimo: nzirirwe ntema, nawe usigare mu mirimo y'imuhira, tuzarebe uzarusha undi kuvunika n'uzarangiza imirimo ye neza.»

Petero ati « ndabishimye, wabona ukaz

Chance Olivier NDAGIJIMANA

title

Click to add text, images, and other content

1  Ubugeni bw'ino burampuha.   Wabaza ubuhiri mu muhini !
2  Ibuka hakurya.   Utuzu tw'abashumba.
3  Turatemba shyashyari.   Utuzi ku rutare.
4  Katemba igogo.   Uturaso ku murundi.
5  Turadundaraye.   Utubyi tw'umushumba.
6  Gacika gasubiraho.   Urwara.
7  Ndica simporwe.   Uruzi.
8  Nahinze umurima utagira ikiyorero.   Uruzi.
9  Nagutera uruyongoyongo rwa Nyirabaha rwimiye i Nduga rukabyarira i Nduga.   Uruzi - Ishami ry'uruzi.
10  Ngira umwana akabyara umugenda.   Uruyuzi.
11  Nuriye umugongo nnya ibuye.   Uruyuzi.
12  Nsimbutse umugande nnya ibuye.   Uruyuzi.
13  Ngira inka nkayirya igenda.   Uruyuzi.
14  Kajugujugu ka Kamatankoni mu kugukubita yarakuneshaga.   Uruyuki.
15  Karusha umuntu kurunga.   Uruyuki.
16  Buhiri bwa Kamango yakubitaga so amuruta ?   Uruyuki.
17  Aka kagabo ni gato ariko kakwirukana so.   Uruyuki - Ivubi.
18  Nkurira umuhoro mu rutoki.   Uruyongoyongo.
19  Rukondakonda umuhoro wo mu Kinyaga.   Uruyongoyongo.
20  Ngiye inyuma y'inzu ntoragura umuhoro.   Uruyongoyongo.
Publié par à Aucun commentaire:
Inscription à : Commentaires (Atom)